إليكم هذه العظة الواقعية من طفل في مرحلة رياض الأطفال ..

جلست الأم ذات مساء تساعد أبنائها في مراجعة دروسهم ...وأعطت طفلها الصغير البالغ الرابعة من عمره كراسة للرسم حتى لا يشغلها عن ما تقوم به من شرح ومذاكرة لأخوته الباقين ..
...
وتذكرت فجأة أنها لم تحضر طعام العشاء لوالد زوجها الشيخ المسّن الذي يعيش معهم في حجرة خارج المبني في آخر حديقة البيت ..وكانت تقوم بخدمته ما أمكنها ذلك والزوج راضي بما تؤديه من خدمه لوالده والذي كان لا يترك غرفته لضعف صحته
..أسرعت بالطعام إليه ..وسألته إن كان بحاجة لأي خدمات أخرى ثم أنصرفت عنه

عندما عادت إلى ما كانت عليه مع أبنائها ..لاحظت أن الطفل يقوم برسم دوائر ومربعات .ويضع فيها رموز ..فسألته : مالذي ترسمه يالحبيب ؟

أجابها بكل براءة : إني أرسم بيتي الذي سأعيش فيه عنما أكبر وأتزوج
أسعدها رده ...وفقالت وأين ستنام ؟؟ فأخذ الطفل يريها كل مربع ويقول هذه غرفة النوم ..وهذا المطبخ . وهذه غرفة لإستقبال الضيوف ...وأخذ يعدد كل ما يعرفه من غرف البيت ...
وترك مربعاً منعزلاً خارج الإطار الذي رسمه ويضم جميع الغرف ..

فعجبت ..وقالت له : ولماذا هذه الغرفة خارج البيت ؟منعزله عن باقي الغرف ..؟

أجاب : إنها لك ِ سأضعك فيها تعيشين كما يعيش جدي الكبير..

صعقت الأم لما قاله وليدها !!!

هل سأكون وحيدة خارج البيت في آخر الحديقة دون أن أتمتع بالحديث مع إبني وأطفاله ... وأنس بكلامهم ومرحهم ولعبهم عندما أعجز عن الحركة؟؟ ومن سأكلم حينها ؟؟وهل سأقضي ما بقي من عمري وحيدة فى الطرف المنعزل فى الحديقة بين أربع جدران.. دون أن أسمع لباقي أفراد أسرتي صوتاً ؟؟

أسرعت الأم....ونقلت بسرعة أثاث الغرفة المخصصة لاستقبال الضيوف والتي عادة ما تكون أجمل الغرف وأكثرها صدارة في الموقع ...وأحضرت سرير عمها .(والد زوجها )..ونقلت الأثاث المخصص للضيوف إلى غرفته خارجاً في الحديقة

وما أن عاد الزوج من الخارج تفاجئ بما رأى..وعجب له!!!. فسألها ما الداعي لهذا التغيير ؟؟
أجابته والدموع تترقرق في عينيها ..::.. إني أختار أجمل الغرف التي سنعيش بها أنا وأنت إذا أعطانا الله عمراً وعجزنا عن الحركة وليبق الضيوف في غرفة الحديقة

ففهم الزوج ما قصدته وأثنى عليها لما فعلته لوالده الذي كان ينظر إليهم ويبتسم بعين راضية.
..فما كان من الطفل إلا ..أن مسح رسمه.... وابتسم .


و مــــا الحــــــــــــياة الا شمـــعه فتيلــــها الحـــب و ضوئـــها الامـــــل

(منقول)

awlan akeed kolokm 3arfeen doda kewayes el 3odw el moz3eg ely byday2 kol el nas w bytkalem 3la kol el nas belwe7sh w msh sayba 7ad fe 7alo w 5ososan el welad shaklha 3andha 3o2da menhom w 2na 3an nafsy sebrt kteer 3aleha bs delw2ty f3lan maynf3sh askot 3lshan el mawdo3 zad 3an 7ado awy w el moshkla enha 3arfa enna 3arfeen heya meen bs mafesh dam f da awel ta7zeer leha w ba3deen haykon fe kalam tany w kol el nas hat3raf heya meen
----------------------------------------------------------------
once upon a time there was a girl called doda:kez_03::D
she's a member of the fci and she's really a sosa:d

all she cares about is disturbing me and ma friends
with her rude massages that never ends

and when we ask her why she always says may be
but i know the reason:she's sick and has a brain of a baby

so stop that right now cause i know who you are
and stop talking about innocent people cause you're going so far

and be ashamed of yourself and your name
you're calling yourself doda haha what a shame:Alvarin_33::D

i'm a fan of bsb ,westlife and 3 days grace
but you're a fan of insects and pests oh what a hopless case

all you need is a pesticide to blow you away:eh_s(19)::D
or simply a slipper to step on you and finish you out
and when this day comes out we'll all look at you and laugh out

{ 5 }


قال لى فخامته
-ما تقوم بينا نلف فى البلد شوية . . عايز اشوف الشوارع شكلها إيه والناس عايشه إزاى عايز أتفرج على شعبى ورعيتى
- إنت تأمر يا فخامة الرئيس , تحب نبتدى منين ؟
- مش مهم مكان معين , المهم نمشى فى قلب البلد وخلاص
خرجنا إلى الشارع الرئيسى ومشينا فيه بعض الوقت وفضل فخامته يكلمنى عن مناظر الزباله فى كل مكان وعن الناس المعفنه اللى بترمى الزباله فى الشارع وإزاى ما يساعدوش الحكومه فى الحفاظ على نظافة البلد , فقلت لفخامته
-فخامتك المفروض أن الناس بتعمل اللى عليها وبتدفع رغم عن بوذها مبالغ كل شهر على فاتورة الكهربا ودى مخصصه لجمع القمامه والمفروض إن فيه شركه متخصصه فى كده
-طيب هى يعنى الشركه هاتيجى تخبط على بيوت الناس وتقولهم هاتوا زبالتكم ؟
-ما حدش قال كده يا فخامتك , ولو إن الزبال كان بيعمل كده ودى شغلته مش عيب يعنى , لكن على الأقل تجيب صناديق للناس تحط فيها الزباله وتلتزم بجمعها كل يوم , لكن اللى بيحصل أن الشركات ما بتجمعش غير الفلوس أول الشهر على فواتير الكهربا , لكن لا فيه صناديق ولا فيه عربيات بتلم الزباله , واللى بيقدر بيدفع لزبال قطاع خاص غير اللى بيدفعه للحكومه واللى ما بيقدرش آديه بيرمى فى الشارع , يمكن الشركه تحس شوية وتيجى تلم الزباله دى
-أهو إنتم كده , شعب كوسلى وكل حاجه ترموها على الحكومه . , هى الحكومه هاتعمل لكم إيه ولا إيه ؟
-عندك حق يا فخامتك , ما أنا قلت لك من الأول إن ده شعب رمه ما يطمرش فيه الطيب , شركات نظافه وجبت لهم شركات نظافه . فلوس وجمعتم من الناس شلاليح ( قروش يعنى والسفروت يساوى 100 شلحوح ) بس الشلاليح دى بتجمل عشرات الملاين من السفاريت كل شهر وماله دى شركه تستاهل , وفى الآخر الشعب المأنتخ عايز كمان الحكومه تيجى تشيل له زبالته , مش بقولك شعب رمه وما يستاهل الطيب
-إستنى هنا كده , إيه الزحمه دى ؟ يا خبر أبيض , معقول فيه ناس بالكميه دى
-يا ريس ده طابور عيش ,
-طابور إيه .. طابور عيش ؟ ليه هو العيش شاحح فى البلد ولا إيه ؟
-لا يا فخامة الرئيس العيش مالى البلد وعلى قفا مين يشيل وكل مترين بتلاقى مخبز عيش بلدى وأفرنجى وإشى ساليزون وإشى باتى بان وإشى مش عارف إيه واللى معاه يدفع نص سفروت فى الرغيف بيشترى واللى ممعاهوش يروح يقف فى الطابور
-طيب ما الحكومه بتاعتى مدعمه العيش وبتبيعه بخمس شلاليح , يعنى فى متناول كل مواطن , يبقى ليه يشترو أبو نص سفروت وليه يقفوا بالشكل ده على الفرن ده بالذات , ده لازم الفرن ده عامل عرض وبيدى على كل 10 أرغفه فطيره مشلتته
-ما هى دى الأفران اللى بتبيع العيش المدعم , وبعدين عرض إيه يا فخامتك ؟ إذا كان نصيب كل واحد من اللى واقفين هناك فى الطابور ده من طلعة النهار بيكون عشر أرغفه واللى عنده عيال كتيره بقى ولا حظه الأسود وعده بضيف رزيل راسم على غدا وعايز يجيب عيش أكتر يجيب الطابور ده من أوله تانى بس لما تيجى الرشه
-رشه , , يعنى إيه رشه .. ؟ إنت عليك ألفاظ يا جدع إنت , مش فاهم منها حاجه خالص
-لا مؤاخذه يا فخامتك . أصل دى عدم المؤاخذه لغه أفرانى , يعنى خاصه بالناس اللى مقضيه عمرها واقفه فى طوابير العيش والرشه يعنى الدفعه , لأن الأفران دى بتخبز على دفعات , ولما بتخلص الرشه – قصدى الدفعه الناس اللى واقفه فى الطابور تفضل حاجزه مكانها لحد ما تيجى الدفعه التانيه , بعد ساعه ولا ساعتين ولا تلاته , حسب مزاج الخبازين بقى , وممكن يقولك بعد شويه الدقيق خلص وما فيش عيش النهارده والناس دول بقى ياكلوا بعضهم
-طبعاً لازم الدقيق يخلص , لما كل المنطقه كلها تقف عند فرن واحد بالمنظر ده وباقى الأفران ما فيش حد واقف عندها يبقى الدقيق هنا لازم يخلص
-هاها ها ها ها يا فخامتك ده حال كل الأفران الموجوده فى البلد , سعادتك فاكر أن الفرن ده بس اللى عليه الزحمه دى . سعادتك ممكن ألف بيك على أفران الدعم فى البلد كلها وتشوف بنفسك , وبعدين يا ريت الدقيق كان بيخلص على العيش ما كانش يبقى فيه الزحمه دى كلها , لكن أصحاب الأفران بيبيعوا الدقيق المدعم بعشر أضعاف تمنه للأفران التانيه بتاعة الناس الوحشه الفرافير دول الباتى بان والساكلما واللى ما أعرفش ايه ؟
زعق فخامته وهو ماسكنى من رقابتى
- إزاى يبيعوا الدقيق المدعم فى السوق السودا . ؟ وفين العسس والإنكشاريه ( العساكر والضباط ) علشان يقبضوا على الناس دول
- يا ريس العسس والإنكشاريه قايمين بواجبهم بس فى النهاية كل صاحب فرن بيلبس القضية لعامل من العمال اللى عنده وبيطلع منها زى ايشعره من العجين. وبعدين لو حنكوشية الأكل والجرايه ( زى وزارة التموين عندنا ) لو قفلت فرن من دول طيب الناس دى هتجيب عيش منين ؟ وما فيش قدامهم غير إنهم يروحوا على فرن تانى ويبقى الزحمة زحمتين والفرن اللى مش مكفى زحمه واحده تقتكر إنه هايكفى زحمتين .؟؟؟
- بردو إنتم السبب , بقالنا ميت سنه بنقولكم حددوا النسل ما فيش فايده وجبنا لكم وسائل تحديد النسل بشلاليح وما فيش فايده وصرفنا مليارات السفاريت على الإعلانات علشان ننصحكم ونوعيكم وما فيش فايده وعملنا لكم افلام ومسلسلات وأغانى ورقص وطرب علشان تفهموا لكن بردو ما فيش فايده , فالح الواحد فيكم يتجوز أرنبه كل تسع شهور تولد له عيل وأصرفى يا حكومه وأكلى يا حكومه وعلمى يا حكومه وعالجى يا حكومه . . تقولشى الحكومه خلفتكم ونسيتكم
- عندك حق يا فخامتك . هى الحكومه كانت جوز إمنا يعنى ولا كانت جوز إمنا , علشان تصرف علينا بعد ما أبونا مات وشبع موت , هى الحكومه هاتجيب منين سفاريت علشان تغطى مصارفها وكمان تصرف على العالم دى كمان , ده حتى بيقولك فى المثل اللى محتجاه الحكومه يتحرم على الشعب , ما الحناكيش كلهم عندهم ولاد زينا , طيب هما هايصرفوا على ولادهم ويعلموهم برا علشان يتثقفوا ويجيبوا احسن شهادات ولا هايعلموا الشعب الجربان ده , وهما الحناكيش مش من نفسهم بردوا عيالهم يركبوا أحسن عربيات ويلبسوا أحسن لبس وياكلوا أكل نظيف من غير لا إشعاعات ولا سرطانات . . طيب هما هايلاحقوا على إيه ولا إيه ؟ . . طيب تصدق بالله يا فخامتك , والله أنا قلبى بيتقطع لما باسمع عن الحناكيش واللى بيحصل معاهم آل إيه كل يوم والتانى إشى إستجواب وإشى طلبات إحاطه فى حوش الحرافيش ( زى مجلس الشعب عندنا كده ) صحيح أهو كله هجايص فى الآخر ولا عمرنا شفنا حنكوش عبر حد من نواب الحرافيش دول ولا سمعنا عن حنكوش كلف نفسه إنه يجاوب على أسئلتهم , بس بردوا ليه يخنقوهم كل شوية بإستفسارات وإحاطات وإستجوابات , ما يسيبوهم باللى هما فيه , مش كفايه الهم اللى ليل ونهار فيه . إشى حفلات وإشى إستقبلات وإشى كوكتيل فى سفرة مين ولا فرح إبن مين . ده غير الهم والرعب ليل ونهار أحسن البورصه تنضرب ويخسروا المليارات اللى بيضاربوا بيها فى البورصه

وفجأة وإحنا واقفين قدام الفرن بنتفرج على الناس اللى هاتموت بعضها على العيش سمعنا صوت سرينه عربية الإغاثه فسألنى فخامته بقلق
- إيه فيه إيه ؟ السرينه دى علشان إيه ؟
- إهدا يا ريس دلوقتى نعرف
وجت عربية الإغاثه وفهمنا إن فيه جثتين من إمبارح سقطوا شهداء لطوابير العيش وجت النهارده عربية الإغاثه تشيلهم علشان ترميهم فى أى قرافه لأن ريحتهم بدأت تطلع وقالى فخامته فى ذهول
- معقوله . . ؟ معقوله إتنين يموتوا فى طوابير العيش . ؟ ده لازم كان عندهم القلب ولا مرض خطير .. هيييييه أعمار بقى . , بس الغريب إن ما فيش ولا واحد ساب مكانه ولا حتى إتلفت حواليه علشان يعرف فيه إيه
- يا ريس ما هما أكيد إتعودوا على كده , هى دى اول مره يعنى ., وبعدين هو لو ساب مكانه مش هايعرف يرجعله تانى ويبات النهارده من غير عشا ..

بص لى الرئيس وقالى بعجب
- يعنى إيه صفه مش لقب ؟
- يا فخامة الرئيس تعيس ده إسم العيلة الأم لكل شعب سعادتك إكتسبوة من ألاف السنين وزاد معاهم على مر السنين ومش بس تعيس هى العيلة الوحيده فى دولتنا المباركه فيه عائلات تانيه كتير , , لكن كلها بترجع فى أصولها لعيلة التعيس , وأنا واحد من فروع العيلة الأم اللى هى العيلة الأصل للشعب ده وهى عيلة التعيس .. هتلاقى مثلاً فيه عائلة المدهوس, وعيلة المغموس , وعيلة المحموص , وعيلة الملطوش , وعيلة المنهوش .. وكده يعنى
- إيه ده كله ؟ كل دى أسماء عائلات ؟ وإيه الأسماء الغريبة دى ؟
- يا فخامتك ليك حق ما تعرفش الأسماء دى ,, هاتعرفها ازاى وهى عمرها ما ممرت عليك , لكن كل إسم وراه سبب ..
يعنى مثلاً عيلة المدهوس دى صفة لكل واحد ركب أتوبيس والقطر فرم الأتوبيس ده وهوواللى جواه أوعيله ماشيه فى الشارع وعربية من بتوع اليومين دول تفرتكهم
أما عيلة المغموس دول بقى يا فخامته كل اللى رماه حظه أنه يركب عبارة فى دولة فخامتك والعبارة دى مصيرها معروف وهو إنها بتنغمس فى البحر ساعتها كل اللى فيها بيبقى مغموس فى مية البحر
نظر لى الرئيس بإنزعاج وقالى
-إيه ده كله إنت جبت الكلام ده منين ؟ أنا دولتى بيحصل فيها كل ده ؟
-هو إنت لسه شفت حاجه يا ريس ؟ ده إحنا لسه فى أول القصيده .
-هو لسه فى القصيده أبيات ؟ لا كفاية كده إنت أكيد عميل مدسوس علشان تسمم أفكارى وتشوه صورة حكومتى الرشيده اللى منقيها على الفرازه نفر نفر .. لكن إسمع . أنا مش ممكن أصدق الكلام ده ؟
-أحب أفكر سعادتك بس بالعهد بتاع الأمان اللى سيادتك إدتهولى
-أيوه أيوه إفتكرت , بس أعمل إيه ولسانك الزفر ده عمال يرمى الكلام ده
-خلاص يا زعيم زى ما تحب ,, بلاش أكمل
-لا لا كمل ,, وأدينى بسمع ,.. هو يعنى الكلام بفلوس
-على رأى فخامتك ,, المهم يا كبيرنا نيجى بقى لعيلة المحموص , والمحموص دى يعنى اللى إتحمص فى نار القطارات اللى بتولع ولا فى مسرح بيعرض مسرحيه والنار ولعت ومالقوش حتى شوية تراب يطفوا بيها النار فالناس جوه إتحمصت
-أعوذ بالله على لسانك الشؤم ,, ما تفولش فى وشى يا بنى آدم ,, أصلى كنت ناوى أروح أحضر حفلة بمناسبة ترشيحى لمدة رئاسية جديده , والله ما فاكر هى رقم كام ,, طيب هو أنا هاعد وأوجع قلبى ليه ؟ ما كفايه الناس بتعد
-ياريس بعد الشر عنك ؟ فخامتك لما بتروح مكان بيكون كل شئ فيه تمام ما تقلقش
-طيب قولى بقى إيه حكاية الملطوش والمنهوش دى ?
-أه ه ه ,, جينا بقى للكلام اللى يزعل .. وده محتاج أمان جديد من فخامتك
-هى سيرة ولا إيه ,, ما خلاص قلت لك إتكلم من غير خوف
-ماشى يا زعيمنا بس الله يكرمك ما تتعصبش ... بقى يا فخامتك الملاطيش دول بقى سعادتك هما اللى حكومة سعادتك حطت إيدها فى جيبهم ولطشت السفاريت اللى فيها
-أنت بتقول إيه يا حلموس إنت ؟ أنا حكومتى نشاله يا تعيس الظاهر ان كل كلامك تهييس؟

أهو شفت فخامتك بقى أن الكلام هايزعل سعادتك ؟ وبعدين فخامتك لازم تسمعنى للآخر ,, صحيح الحكومه بتمد إيدها فى جيوب الشعب العدمان وتلطش السفاريت اللى فى جيبه . بس كله بالقانون وما فيش سفروت واحد من غير إيصال
-أيوه كده يا بنى آدم فسر كلامك ,, ده أنا كنت هاظلم الحكومه الرشيده وأقول إنهم بيظلموا الشعب
-لا يا زعيم .. ده إسمه كلام بردوا ؟ دى حكومه فخامتك فى غاية الأمانه ,, هو حد يستجرى يعيب فى حكومة مولانا ,, يعيش مولانا وحكومة مولانا , القصة كلها فخامتك أن الحكومة المسكينه مش عارفه تجيب فلوس منين علشان تغطى مصاريفها , وفخامتك عارف بقى الأكل الأبهة اللى بيجيلهم من الجزر اللى جنبنا بالطيارات بيتكلف ملايين السفاريت , الدنيا بقت نار فخامتك , والحنكوش فى حكومة سعادتك من محدودى الدخل بردو ( حنكوش يعنى وزير فى دولة نهابونيا ) طيب الحنكوش من دول هايغطى مصاريف الحكومه منين .. يقوم حنكوش الجباية يطبع ورق دمغه وبيع يا واد منك له ولا ييجى حنكوش الولعه يغلى البنزين وإنشالله يولع الشعب بجاز بدل البنزين ولا حنكوش الميه وحنكوش الكهربا فيها إيه يعنى لما يغلوا الفواتير شوية على الناس فيها إيه يعنى لما يكون الراجل اللى كان بيدفع 100 سفروت كهربا ونصهم ميه لما يدفع 500 ولا ألف سفروت ,, هى يعنى الحناكيش هاتأكلهم وتشربهم وتشغلهم الدش كمان ببلاش
-والله عندك حق يا أبو الحلاميس يا تعيس , الحناكيش غصب عنهم فى اللى بيعملوه والشعب مش راحم وما بيبطلش كلام
-شعب نمرود يا مولانا وما يطمرش فيه الطيب
-طيب إيه بقى عيلة المنهوش دى بقى
-إحم .. ما كفاية كده فخامتك ,, فوت بقى العيله دى ..
-ليه إشمعنى دى بقى ؟ كمل يا حلموس إنت ولا عايزنى أتحايل عليك
-العفو يا مولانا , هو أنا أستجرى ... ... بقى فخامتك المناهيش دول بقى اللى الكلاب نهشت لحمهم والكهربا فرتكت جتتهم وجتتة اللى خلفوهم
-كلاب ؟ , للدرجه دى فيه كلاب ضاله كتير فى البلد , أنا لازم أكلم حنكوش الطرق والشوارع يسمهم ولا ينفخهم بمنافيخ حنكوشية الأمن العالى
-ها ها ها , كلاب شوارع إيه فخامتك اللى عايزها تتنفخ .. وبعدين المنافيخ دى ليها شغل تانى فى حنكوشية الأمن العالى , وبعدين سعادتك الكلاب اللى نهشت الناس دى كلاب متكلفه ومتدربه وتعرف إزاى تنهش لحم الواحد من دول من غير ما تقرقش عضمه .. يعنى علشان قضايا التعويضات والذى منه , هى الحناكشيه العليا ناقصه وجع دماغ , فخامتك الكلاب دى بتنهش اللى يرميه زمانه بين إدين إدارة تأديب شعب الدوله التابعه لحنكوشية الأمن العالى . ده غير نهش عرضه وعرض اللى خلفوه كمان بواسطة رجال الأمن الساهرين على حماية أمن الدولة وتطهيرها من أمثال هؤلاء الرعاع الممولين من الخارج لزعزة الأمن والأمان فى الدولة , يعنى سعادتك كلهم يستاهلوا , حد قالهم يطولوا لسانهم ويتكلموا على أسيادهم وأسياد اللى جابوهم , بعيد عنك يا مولانا دول ناس عايزين الحرق بجاز وبنزين كمان
-جاز إيه وبنزين إيه ؟ إنت مش عارف لتر البنزين بقى بكام .. كفايه عليهم الكلاب تنهش أبوهم ونوفر إحنا فى الولعه ... وبعدين إيه حكاية مولانا اللى ماسكهالى دى ؟ إحنا يا بنى آدم لغينا الألقاب من زمان اللى كانت عامله زى الطربوش فوق الكلام والناس بطلت تلبس طرابيش من ساعة ما قضينا على الرجعية فى العهود البائده
-عندك حق يا فخامتك . . . . الثورة المجيده قلعتنا الطرابش , ولبستنا بدالها طُرح وطراطير

وللحديث بقية لو فلتنا من حنكوشية الامن العالى